كشفت المغربية بسمة بوسيل، للمرة الأولى، سبب انفصالها عن الفنان المصري تامر حسني.
وقالت بسمة، مساء أمس الثلاثاء، عبر حسابها الشخصي بموقع تبادل الصور والفيديوهات “إنستغرام”، إن هالة عمر، مديرة أعمال تامر حسني، هي السبب وراء طلاقها وتامر حسني.
ونشرت بوسيل، عبر خاصية “الستوري” بصفحتها على موقع تبادل الصور والفيديوهات “إنستغرام”، صورة لطليقها مع مديرة أعماله هالة عمر، والتي احتفلت بحفل زفافها مساء أمس الثلاثاء، وعلقت قائلة: “حسبي الله ونعم الوكيل فيكِ يا هالة”.
وفي “ستوري” آخر، كتبت بسمة: “احترام العشرة بيبتدي باحترام مشاعر غيرك بالذات لو حد كان سبب رئيسي في خراب بيتك وهدم حياة ولادك”.
وعن العلاقة التي تربطه بهالة عمر، قال تامر حسني: “لكل اللي بيسأل عن وجة القرابة بيني وبين العروسة الجميلة دي، شايف أسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها”.
وأضاف: “لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة”.
وتابع ذات المتحدث قائلا: “وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب”.
وواصل تامر حسني في ذات المنشور قائلا: “فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله”.
واختتم الفنان المصري تدوينته المطولة قائلا: “ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
ويشار إلى أن الفنان المصري تامر حسني تجاهل، لحد الساعة، الرد على التهم التي وجهتها طليقته بسمة بوسيل لمديرة أعماله.
