نشر الفنان أحمد عز تدوينة على موقع التواصل الاجتماعي “انستغرام”، بعدما قضت المحكمة برفض الاستئناف المقدم منه على حكم محكمة الأسرة بإثبات نسب التوأم زين الدين وعز الدين أبناء الفنانة زينة إليه .
وجاء في البيان الناطق بلسان “عز”: “كتير سألوا عليا امبارح، وأنا باطمنكوا، أنا الحمد لله كويس وزي الفل، وراضي باللي ربنا كاتبهولي كله، أنا كمان مش بس راضي، أنا سعيد بالابتلاء اللي أنا فيه عشان واثق في ربنا وفي نصره عاجلاً او آجلاً، وإن اللي أنا فيه ده ماهو إلا رفْع درجات بإذن الله”.
وأضاف “عز” قائلا “طبعا أنا لا أعلق على أحكام القضاء، ومش هاطلع أعمل دوشة ولا أتكلم، عشان أنا سايب حقي على ربنا العادل الحق. اللي بقولهولكوا دلوقتي هو نفسه اللي بقوله من أول يوم في القضية، وهافضل أقوله لآخر نفس في عمري، وبأشهد الله علي كلامي ده، بل وأقسم بالله العلي العظيم إني ماتجوزتهاش ولا رسمي ولا عرفي ولا شفهي ولا ثانية، وإن شالَّه يكون معاها ١٠٠ حكم و١٠٠ شهادة ميلاد، برضه مش ولادي”.
واختتم البيان بآيات من القرآن الكريم “بسم الله الرحمن الرحيم، وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ، إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَار، صدق الله العظيم”.
روابط ذات صلة:هيئة دفاع أحمد عز تتقدم بشكوى لرئيس مصر
المصدر : https://machahid24.com/?p=138482
