قصة شيقة لشاب مع الملك محمد السادس بشوارع البيضاء

القصة حكاها سفيان البحري، مدير صفحة الملك محمد السادس على موقع “فايسبوك”، نقلا عن الشاب طارق، إذ قال أن المعني بالأمر، لمح الملك يتحول بسيارته، فهرع نحوه بسرعة من أجل التقاط صورة، غير أن هاتفه خذله في تلك اللحظة بالذات.

وأردف طارق، “كنت في معرض الكتاب يوم السبت، ومنين خرجت دزت نتمشا شويا فالمدينة، وأنا نشوف الطوموبيل ديال ملكنا حدا أمريكان سنتر، بقيت كانجري كانجري وكانطير، وليت فحال العداء الجمايكي بولت، ماحسيتش حتى لقيت راسي حدا الملك”.

وأضاف الشاب، “وصلت حداه وهو يزيد بالطوموبيل، ماتفاكيتش، بقيت كانجري وكانقولو شي تصويرة آسيدنا، ملكنا دارشافني وهو يدير السينيال، وحبس وقال ليا آجي أولدي، فهاديك اللحظة حسيت براسي فحال يلا كانحلم، جيت حداه، وهو يقول ليا غي بشويا عليك آولدي حس بيا تالف”.

واستطرد طارق، “شديت التيليفون باش ندير سيلفي مع سيدنا وهو يقول ليا غي عطي التيليفون للسيد (الحارس الخاص) راه غادي يصورنا، عطيتو ليه ومن زهري طفا التيليفون، عاود عطاه لي باش نشعلو وجاب الله شعل نحمد الله ونشكرو، صورنا وبست كتف ملكنا وقال ليا الله يرضي عليك ومشا”.