خالد أبو النجا ينعي شقيقته بكلمات مؤثرة

نعى الفنان خالد أبو النجا ، شقيقته الكبرى سلوى أبو النجا، في كلمات نشرها على صفحتها الخاصة في موقع التواصل الاجتماعي، وجاء في نص الرثاء: “سلوى أختي، أجمل بنت في مصر، البقية في حياتكم، كنت في مطار اليونان لما كلمني طارق أخويا وقال لي.. “الحق يا خالد، سلوى يا خالد، سلوى أختنا خطفها حريق النهاردة، لما رجعت بنفسها داخل الحريق ، بيقولوا في محاولة عشان تنقذ قططها”.

واستكمل: “بس مش بس الاختناق اللي خطف سلوي، ولا بس القطط، ولا بس الاكتئاب، ولا بس الندم، ولا بس الحزن، ولا بس الثورة، ولا بس الدين و العسكر.. اللي خطف سلوي مننا كلنا.. غالبًا الخوف!، الخوف على القطط اللي بقت أهلها، الخوف من بكرة بلا أمل، الخوف من الناس اللي بلا قلب، الخوف والتخويف من مجرمين الدين و العسكر”.

وأضاف : “مش قادره أقول هتوحشوني، عشان كنتم واحشيني أصلاً، خلوا بالكوا من بعض، مالكوش غير بعض، احنا بنبدأ نتخطف لما بنبدأ نخاف، الخوف أذى والحب حياة، البقاء لله، البقاء للحب، البقاء لله البقاء للحب”.