مشاهد 24 موقع مغربي إخباري شامل يهتم بأخبار المغرب الكبير
مقالات ذات صلة
تم تكريم الفنانة المغربية ماجدة اليحياوي، اعترافا بمساهمتها في الحفاظ على فن الملحون والعمل على تطويره وتجديده،وذلك في اطار النسخة الخامسة لصالون أسماء بنكيران للثقافة والفنون لتنشيط الفضاء الثقافي لأكادير.
وقد كان الاستاذ محمد التهامي الحراق، الباحث في التصوف والسماع، ضيف شرف هده الدورة.
كما قدمت الفرقة العيساوية الفاسية وصلات غنائية تراثية متنوعة برئاسة المقدم بالمهدي سي محمد .
الهدف من هدا الصالون الثقافي، حسب المنظمين، هو إغناء الحركة الثقافية والفكرية والفنية باكادير من خلال استضافة مجموعة من المبدعين والكتاب والشعراء والفنانين من داخل المغرب وخارجه في أفق فتح حوار ثقافي يتيح مد جسور التواصل بين الأجناس الأدبية وكذلك تعزيز العلاقات الإنسانية بين المنتجين الثقافيين والفنانين المشاركين.
يذكر أن الحفل عرف حضور نخبة من المثقفين والأدباء والفنانين من بينهم الأستاذ أحمد بلقاضي عميد كلية الآداب والعلوم الإنسانية بأكادير، الأستاذة السعدية الباهي البرلمانية، و نائبة رئيس المجلس البلدي لأكادير ، الأستاذ حسن بن حليمة، رئيس جمعية سوس ماسة درعة للتنمية الثقافية .
خليني نبكي وٱنوح
نخرج ما فجوفي
نتكلم ونبوح
نحكي ما بيا
على قلبي لمجروح
صبرت وسكت
حتى عييت
وبالملل والضيم حسيت
نفس اللحظات تتكرر
نحس كل مرة بالضجر
للضحكة والبسمة نهجر
النوم جفاني
فصمت نعاني
آآآحياني
آآش داني
لا ش قريت
شواهد خديت
خدمة مالقيت
دموعي تسيل كي لغدير
وليت نحير
يتسدو البيبان فوجهي
حتى وليت نتضبر
نعاود نوض
ٱنعل الشيطان
ولله نشكي ونستغفر
نقول لنفسي
غير صبري
للحزن خبي وداري
دبا تتقاد الأوضاع
لا تستسلمي وتنهاري
دبا يفرجها ربي من عندو
هو قادر على عبدو
لا تضعفي
وآمالك لا تطفي
دبا الدنيا تحلى
وبالتفائل ما نتخلى
تخمد نيراني
تتحقق الأحلام
تنور فوجهي ليام
يترمم الحطام
تبرا لجروح ولسقام
تولي الأمور على مايرام
يتفجى القلب
وتتقدم خطوات للقدام
البسمة تعود
تتبخر هموم الوجود
تتجدد لعهود
بعزيمة تفك لقيود
ومثابرة مالهاش حدود
بقلم وردة فوزي
أنا مغربية
حرة وأصول أمازيغية
الناس عندي سواسية
كبار صغار يسمعوليا
نستافد ونفيد
نستطلع ونقلب على كل جديد
ندير إللي بغيت و إللي عليا
ما تهمني فلوس ولا قصور ذهبية
نسعى لنيل رضى والدييا
شعبية وضحوكية
جدية وحدودية
ندير بلاصتي وسط الناس
مانسمح للكرامتي تنداس
نتحدث بكل عفوية
عايشة حياتي ببساطة
ما نتشفى فحد ولا يتشفى فيا
ما نيش خارقة للعادة أو جنية
أنا بنية
فحال البنات عادية
ندوي بحرية وتلقائية
ما نزوق الكلام
ما نطول فالخصام
نغضب ونغوت
حقي ما نفوت
نسامح بكل روح رياضية
أنا إنسانة فيا
خصال إجابية وسلبية
فحال كل ناس الكرة الأرضية
عصرية وتقليدية
ما نهتم بالموضة
نلبس إللي يواتيني
واللي يجي فيا
سكوتية مع البعض وحدودية
ما نحب نتدخل في الغير
منيش فضولية
كل واحد عندو خصوصية
يا لحباب سمحوليا
عارفة أنا ثرثارة
لكلام ما تقاضى ليا
لا اتصحابكم دايرة
حملة ٱنتخابية
أنا ما سياسية و لا برلمانية
بغيت نعطيكم فكرة علية
اعتبروها بطاقة تعريفية
العلم فالراس ماشي فالكراس
حلو عقولكم و افهموا يا الناس
العلم قيمتو كبيرة ماتقدر بمال ولا بالماس.
قبل ماتعلي و تبني لابد ماتحفر الساس .
العلم سلاح كل واحد و بيه كرامتو عمرها تنداس.
تأمل تلقى كلشي في الدنيا مخلوق بالقياس.
بقلم وردة فوزي
marrakech 0676108963
قالو زين سلالة
.خلاني في حالة
بيه تغناو و كتبو الزجالة
.زين عربي مالو مثيل تقالت فحقو أحلى المواويل
توارث من جيل لجيل .
زين إلا بان بحال لقمر فلليل
و الا تكلم فحال العلما منو نستفيد
يجيب معاه كل جديد
زين لعقل
يخلي لحياة كل يوم شكل.
الكل عليه يهبل
يتمناو غيابو مايطول
زين الأخلاق
ماشاء الله ليه لقلوب تشتاق.
بقلم وردة فوزي