كشفت الممثلة وفاء سالم أسباب تشوه ملامح وجهها بعدما خضعت لمجموعة من عمليات التجميل.
وأفادت وفاء، في تصريحات صحفية، بأنها خضعت لجراحة تجميل منذ فترة، ولكنها عانت من مضاعفات الحقن الخاطئة.
وأكدت سالم بأن الحقن الخاطئة كادت تصيب المخ وقرنية العين بالصديد.
وأوضحت وفاء أنها فشلت في تقديم بعض المشاهد الفنية، بسبب جراحة التجميل الفاشلة التي جعلت وجهها مثل “البلاستيك”، وتمنت العودة لملامح وجهها الطبيعية، نافية سعيها للتقليل من عمرها.
وقالت وفاء سالم، في بث مباشر على حسابها بموقع “الفايسبوك”: “الحمد لله على كل حاجة بتحصل، كل حاجة بتحصل في حياتنا مقدر أنها تحصل مش من النوع اللي يشيل الطين، قبل العملية كنت نفسيا مش مبسوطة، كان عندي محقون خد، وحقن في آثار العملية لسه موجودة ولسه فيه ورم، الجرح كان فوق الحاجب. الدكتور فتح وكان فيه صديد واصل للمخ والشبكية والدكتور صوره فيديو”.
وأضافت: “كان عندي خد أكبر من خد، فكنت بضايق أنا مبحبش أكون مش أنا، مش معناه إني ضد التجميل، التجميل معمول لخدمة الجمال، يحاول يخلي الإنسان شكله طبيعي، شوفت وشوش بلاستيكية وعمري ما طلبتها، الإحساس بيقل ويخفت لما الإنسان ميبقاش على راحته”.
واختتمت وفاء: “أنا عايزة ملامحي زي ما هي زي ما انتوا حبتوني، فيه أعمال قدمتها مكنتش راضية عنها، لأني مكنتش حاسة الإحساس الطبيعي، فبلاقي التعبير ضعيف وناقص، لو ربنا قدر واشتغلت في الفن تاني، مبدورش أكون صغيرة، أنا في النهاية ماما وابني كبير، مش بخبي عنه حاجة، لما عملت العملية ابني كان معايا خطوة بخطوة لو فيه حاجة غلط مكنش هيوافق، ابني ساعدني أتخطى مرحلة صعبة في حياتي”.
ويذكر أن الممثلة وفاء سالم، البالغة من العمر 58 سنة، شاركت في العديد من الأفلام والمسلسلات كان آخر مسلسل “ختم النمر” عرض سنة 2020، لمخرجه أحمد سمير فرج.