علقت الفنانة المصرية رجاء الجداوي، لأول مرة، عن إصابتها بـ”فيروس كورونا” المستجد، مشيرة إلى أنها لن تخرج من المستشفى قبل المدة المقررة للبقاء في العزل.
وفي تصريحات صحفية، قالت رجاء: “أنا كنت أتخذ كل إجراءات الوقاية لكن لو اللي حوالينا مش واخدين إجراءات يبقى أكيد هيبقى فيه مشكلة.. إحنا عاوزين نخاف أكتر على ولادنا وأهلنا ولازم نخاف على بعض أكتر من كدة”.
وأضافت: “بشكر الناس كلها، ويمكن دعم الناس هو اللي مخليني أتحمل اللي أنا فيه، ربنا يكرمهم وماسمعش عن حد منهم أي سوء”.
ووجهت رجاء الجداوي نصيحة لجميع متتبعيها قائلة: “ياريت ماحدش يستهون بالمرض ده، لأن إحنا بنتعامل مع شبح مش عارفينه، ومش عارفين إحنا ممكن ناخده من مين، يجوز اللي جنبك حامل للميكروب ومش باين عليه أي أعراض”.
وتابعت حديثها قائلة: “ياريت الناس كلها تتخذ إجراءات الوقاية، وربنا يعدي الأزمة دي على خير”.
ونشرت الجداوي تدوينة عبر صفحتها الخاصة بموقع التواصل الاجتماعي “فايسبوك”، كتبت فيها: “يا جماعة أنا بخير.. محنة وهتعدي إن شاء الله.. محتاجة تدعولي.. ربنا يشفيني”.
وجدير بالذكر، خلقت إصابة الجداوي بـ”كوفيد 19″ جدلا وخوفا داخل الوسط الفني، لاختلاطها بعدد من الفناننين أثناء تصوير مسلسل “لعبة النسيان”.