العماري: المغرب يحتاج إلى حكومة صغيرة كي يصبح في قوة الصين!

رغم مرور يوم واحد على تعيين حكومة سعد الدين العثماني، إلا أن إلياس العماري الأمين العام لحزب الأصالة والمعاصرة، بدا وكأنه مُصر على إظهار أنياب المعارضة منذ البداية، إذ علق على لائحة الوزراء، والتشكيلة الحكومية الجديدة بالدارجة المغربية.

العماري، استغرب في تدوينة له على حسابه الرسمي بالفيسبوك، من تواجد 39 وزيرا في الحكومة الجديدة، حيث قال: “واش المغرب بصّح فحاجة لـ39 وزير، ووزير منتدب، وكاتب دولة؟”.

واعتبر زعيم “البام”، أن “المشكل فالبلاد ماشي العدد والكفاءات هي اللي ناقصانا، وإنما الإرادة السياسية الفعلية لمواجهة المشاكل، والوضوح والشفافية في العمل ديال المسؤولين.. اللي ناقصنا هو الإرادة والشجاعة في قول الحقيقة، وماشي الوعود والهدرة اللي شغلها الشاغل هو دغدغة العواطف وشخصنة الصراع والمواقف”.

وتساءل العماري، عن ضياع هذا الوقت الكامل جراء ما عاشه المغرب من بلوكاج حكومي، مردفا: “هاد 6 شهور وزيادة اللي ضاعت على بلادنا، شكون اللي غيعوض هذا الضياع والخسارة على مستوى الاقتصاد والمالية العمومية وفرص التنمية؟ شحال من فرصة شغل ضيعات لبلاد، شحال من مشاريع غيتأخر الإنجاز ديالها بست شهور على الأقل، شحال ديال الخسائر اللي غيخلصها الشعب على الأموال اللي مسلفة من الداخل والخارج و بقات مبلوكيا كاع هاذ المدة؟”.

واستطرد الأمين العام لحزب الأصالة والمعاصرة، “تشكيل الحكومة تعطل 6 شهور، كمواطنين كان كيصحابنا باللي هاذ التأخر غيعطي شي حاجة خارقة للعادة، ولكن كيبان بأن المشكل كان غير المدابزة على شكون إكون، واش فلان ولا فلان، واش هذا اللي من هنا و للا هاذاك اللي من هناك”.

وأضاف العماري: “مللي كنشوفو هاذ العدد ديال 39 كنقول واش المشاكل اللي عندنا بصح خاصها هاذ العدد، ومللي كنفكر فهاذ الشي، كنقول وكيفاش الصين اللي عندهوم مليار ونص ديال السكان عندهوم حكومة فيها غير 18 وزير، والأمور ماشيا مزيان، والنمو مرتفع والبلاد متقدمة؟ كيبان لي باللي المغرب خاصوا حكومة تكون صغيرة باش تواجه المشاكل الكبيرة. خاص حكومة صغيرة أعضاءها عندهم الإرادة ديال المواجهة الإيجابية، والقدرة على الجمع والتعبير على جميع المكونات داخل المؤسسات وخارجها. خاص حكومة تخدم بمنطق فعل جماعي فعال، ماشي حكومة ديال الأشخاص، حكومة بنفس الوجوه”.